عاش المسيح بين البشر

[حنا يوسف]

[grade="00008B FF6347 008000 4B0082"]

سبحانك إنت يا رب لك هنا حكمتك

إنت القدير إنت الكبير

وكان بإمكانك تخلي يسوع أمير

ويتولد في قصر عالي

وفوق سرير ناعم ومفروش بالحرير

لكن سمحت إرادتك يتولد في مكان حقير

ويعيش حياته وسطنا محتاج فقير

ملك- لكن عرشه مفروش بالألم

لأن مُلكه مالوش نظير

يعرف معاني الاحتياج- يحس إحساس الفقير

عاش المسيح وسط البشر بين الأمم

وداق عذاب الناس

وشاف ألم الفقير اللي اتحرم

وعرف مرارة اللي اتحبس

واللي اتظلم واللي اتشتم

واللي انضرب واللي انجرح واللي اترجم

شاف واختبر وعرف تفاصيل الألم

عاش المسيح وسط الغلابة التعبانين

وشاف دموع المقهورين

وسمع أنين المظلومين

لمس وشاف اللهفة

في عيون الجياع المحرومين

لمس وشاف الذل

في عيون العيال الغلبانين

لمس وشاف الضعف

ساكن جوه جسم العيانين

شاف العبيد شاف الخدم

شاف المرار شاف العدم

شاف واختبر

وعرف تفاصيل الألم

http://welcome-now.blogspot.com

عن نبذة بعنوان/ أنا هو القيامة والحياة

[/grade]