تعالوا نتكلم عن نعمة ربنا

[emad hanna]

كتير مننا لسة بيركب وسائل المواصلات ... وطبعابنشوف الملصقات الدينية اللي انتشرت اليومين دول... وانا راكب النهاردة شفت قدامي هذا التعبير "وأما بنعمة ربنا فحدث" ...
عجبتني الفكرة ... وقلت لنفسي ليه لا ... تعالوا نتكلم عن نعمة ربنا ... ده مفيش زي المسيحي اللي يقدر يعرف نعمة ربنا على حقيقتها

بس نبتدي منين ؟
نبتدي مثلا بمعنى كلمة نعمة ... لأننا منقدرش نتكلم عن حاجة منعرفش معناها ... وأعتقد أن كلنا يعرف معنى النعمة
بالبلدي زي ما بتدينا الكلام نمل ونقول أن نعمة ربنا معناها عطية من غير مقابل يعني عطية مجانية ... وفيه نوعين من العطية المجانية
اولا عطية شيء لزوم الشيء ... يعني عطية الهوا والمية والتراب ... دي كلها عطايا ببلاش محدش يقدر يقدرها ومعطاه للأنسان والحيوان والنبات ... يعني عطية عامة من غيرها الحياة متمشيش
والنوع الثاني عطايا مختلفة وبنسب مختلفة يعني يعطي الصحة والأموال بنسب مختلفة من بني آدم للتاني ... يعطي المواهب والوزنات للناس بنسب مختلفة ... لكن كل دي اسمها نعم يعني بتعطي للناس من غير استحقاق ... أزاي ... نمشي خطوة تانية ونشوف ازاي
استنوني قريب بس يريت حد يكمل لي المقال ده ... أكيد كلامكم أحسن من كلامي

[emad hanna]

مشاركة: تعالوا نتكلم عن نعمة ربنا

نبتديها من البداية
في جنة عدن أول ما الانسان شاف شاف نعمة ربنا ... كل الجنة متحضرة عشانه ... خير وخضرة وزرع وشجر وثمر... وكمان سلطة ... كل ده كان نعمة ... لكن ده مش كفاية الله شاف آدم وحده وآدم مكنش عنده فكره أن عنده احتياج لمعين نظيرة فمطلبش ... لكن ربنا عرف الاحتياج , وقبل ما يخلق المعين خلى آدم ياخد لباله أن كل الحيوانات اثنين اثنين, وهو وحده ... فخلق الاحتياج
يعني الخيرات كانت نعمة
وحواء كانت نعمة
وخلق الاحتياج لحواء كان نعمة
وحصل آدم على كل ده وكانت حواء مسرة قلبه ... لكن النعمة ربنا بيديها والإنسان عليه أنه يحافظ عليها
النعمة مسؤولية الله والمحافظة على النعمة مسؤولية الانسان ... أيه رأيكم في الجملة دي ... حد يجاوبني ويكمل بعدي ولا لسة الموضوع مش مهم؟!!
***