مشكله محتاجه مشاركتكم سريعا

[mirror]

انا عندي مشكلة انا خادمة جديدة في مدارس الاحد في نفس الكينيسة اللي انا كنت باخد فيها مدارس الاحد .الخدام هناك هما نفسهم اللي كانوا بيدوني انا حسة بفجوة كبيرة بيني و بنهم مش عارفة اتعامل معاهم كخادمه .ودايما بحس اني اصغر منهم.و دايما بحس بالاحباط لما بقدم حاجه و ما بيعلقوش و لا يرشدوني لو في شيء تم فيه بعض الخطأ . عندنا مشكله ان احنا مش لاقيين مناهج مكتوبه ندرسها للاطفال فيا ريت لو حد عنده اي مساعده (مكتبات بتبيع المناهج. سايتات .اسامي كتب) يقولي عليها . اريد الرد سريعا و الرب يبارك مشاركتكم

[الشيخ]

مشاركة: مشكله محتاجه مشاركتكم سريعا

الأخت العزيزة ميرور
أولا اختنا الشعور الذى تشعرين به ممكن يكون حقيقى ويجب على الخدام القدامى أن يكونوا لك سندا لك ويوجهوكى
ولكن ممكن يكون فقط مجرد شعور داخلى لك من جهتهم أنك تنتظرين مساعدة منهم ولكنهم غير عابئين بذلك لذا لا تعطى الموضوع اهمية اكثر من حجمة - وعليكى بالأتطلاع المستمر والقراءة فى الكتاب المقدس اولا ثم فى التفاسير او الكتب القصصية اذا كنتى محتاجة لها فى مدارس الأحد - وستجدينها فى مكتبة الكنيسة
وطبيعى أن أختنا هايدى عندما تجد مداخلتك هذه ستعطيكى التوجيه السليم
الرب يباركك

[عادل فادى]

مشاركة: مشكله محتاجه مشاركتكم سريعا

انا عندي مشكلة انا خادمة جديدة في مدارس الاحد في نفس الكينيسة اللي انا كنت باخد فيها مدارس الاحد [/
الخدام هناك هما نفسهم اللي كانوا بيدوني انا حسة بفجوة كبيرة بيني و بنهم مش عارفة اتعامل معاهم كخادمه

اولآ اهلآ بيكى فى المنتدى عضوة جديدة معانا
واهلآ بيكى خادمة فى خدمة مدارس الأحد
بما انى خادم فى مدارس الاحد بفرح جدأ لما اشوف خدام جداد
اهلآ بيكى

ثانيآ بالنسبة للمشكلة
انا هتكلم معاكى بشكل مختصر واتمنى انى اكمل معاكى كلام على الخاص
دى مش مشكلة ابدأ ده احساس طبيعى
واحب اقولك انه من الطبيعى جدآ فى خدمة زى مدارس الأحد وجود الفجوة دى فى البداية

انا مثلآ كنت فى نفس موقفك ده من اربع سنين
اول ما دخلت مدارس الأحد كانت فى فجوة كبيرة بينى وبين الخدام
اللى هما كانوا مدرسينى فى يوم من الأيام

ولحد دلوقتى باقول ان اسؤ ايام حياتى هى اول ست شهور لى فى الخدمة
لكنى اتعلمت الدرس اللى مش ممكن انساه
الحقيقة هم اكتر من درس
لكن انا بتكلم بشكل مختصر زى ما قلت
والدرس هو
ان خادم مدارس الأحد زى الخمر
كل ما عدت الأيام عليه كل ما خد خبرة وازداد حلاوة

ومشكلة البداية دى حلها بسيط جدآ لكنه بيختلف من شخص لشخص
اهم حاجة انك تنتصرى على اليأس والأحباط
وده طبعأ بيجى نتيجة الشركة مع الله

ودايما بحس اني اصغر منهم.و دايما بحس بالاحباط لما بقدم حاجه و ما بيعلقوش و لا يرشدوني لو في شيء تم فيه بعض الخطأ .

ده احساس مالهوش اى اساس من الصحة ولازم تنتصرى عليه

عندنا مشكله ان احنا مش لاقيين مناهج مكتوبه ندرسها للاطفال فيا ريت لو حد عنده اي مساعده (مكتبات بتبيع المناهج. سايتات .اسامي كتب) يقولي عليها . اريد الرد سريعا و الرب يبارك مشاركتكم

المناهج موجودة وكتير
ومتنوعة
لكن مش بتناسب كل الكنائس وكل المعتقدات
وكنت احب اعرف اكتر عن كينستكم



الرب يبارك حياتك
سلامى لكل الخدام

[mirror]

مشاركة: مشكله محتاجه مشاركتكم سريعا

شكرا لكم علي نصيحتكم

[mirror]

مشاركة: مشكله محتاجه مشاركتكم سريعا

شكرا لك يا عادل علي ذلك الرد شجعني جدا و اريد ان اعرف اكثر عن خبرتك في مدارس الاحد بالنسبة للكنيسة فهي كنيسة انجيلية مشيخية لكن بحس انها منفتحة علي العقائد الخري الي حد ما . شيء غريب مش كدة ؟؟؟؟؟؟؟؟؟؟

[عادل فادى]

مشاركة: مشكله محتاجه مشاركتكم سريعا

شكرا لك يا عادل علي ذلك الرد شجعني جدا

العفو
احنا هنا فى قسم مدارس الأحد كلنا اسرة واحدة
واى مشكلةاو استفسار عند اى واحد فينا يهمنا كلنا انه يتجاوب عليه
اهم حاجة انك تكونى دلوقتى فى حال افضل وبتفكرى بشكل احسن
عشان خطر الاطفال

و اريد ان اعرف اكثر عن خبرتك في مدارس الاحد

انا اللى عايز اعرف منك حاجة مهمة
انت اخدتى اى دورة او اعداد من اى نوع قبل الدخول لمدارس الأحد
ولا الكنيسة ماوفرتش الكلام ده للخدام الجداد

بالنسبة للكنيسة فهي كنيسة انجيلية مشيخية

كلام جميل

لكن بحس انها منفتحة علي العقائد الخري الي حد ما . شيء غريب مش كدة ؟؟؟؟؟؟؟؟؟؟

لا مش غريب ولا حاجة
التعصب هو الأمر الغريب
والأنغلاق على الذات هو الأمر المرفوض تمامآ

وعلى العموم فى خدمة مدارس الأحد بيكون فى اتحاد غريب بين الكنايس ........ مش عارف ليه ؟
على العموم لو عايزة مناهج زى ماقولتى
ابعتيلى رسالة على الخاص

تحياتى

[رامي-سورية]

مشاركة: مشكله محتاجه مشاركتكم سريعا

أختي العزيزة ميرور الرب يباركك باسم يسوع
وانا اسف لو كانت مشاركتي متأخرة وأحب اقول للكل انكم وحشتوني اوي
كل الكلام اللي نصحوكي فيه رائع بس بحب اضيف كلمة لو سمحتي لي
شيء رائع انك تشاركي الخدام معاكي بشعورك و ماتخليش أية فكر جوا قلبك شاركيهم فيه بالمحبة ومش عتاب
لأنو ممكن احساسك يكون غلط قوليلهم انو انا بحس ............................. وانا بطلب مساعدتكم ولو صرت معلمة بمدارس الأحد ببقى طالبة عندكم وانا بفتخر بالحاجة ديه
العفو منك انا مش بعلمك الكلام بس نصيحة من اخ لأخته وبحب ققلك ( لا يستهن أحد بحداثتك ) انت بركة وصورة المسيح قدام الأولاد .
على فكرة انا بتكلم مصري كويس جدا وديه شهادة من فريق منتظرو الرب كانوا عندنا من حوالي 3 شهولا قالولي تتكلم مصري وكأنك مصري
الرب معاكم اخوكم رامي سورية

[عادل فادى]

مشاركة: مشكله محتاجه مشاركتكم سريعا

وانا اسف لو كانت مشاركتي متأخرة وأحب اقول للكل انكم وحشتوني اوي

كنت فين ياعم رامى
بقى ده اسمه كلام
الأطفال كانوا بيدوروا عليك
واحد قال اتك اخدت منه العطا
الواحد ده اسمه عادل

من فضلك راجعلوا الفلوس تانى ............... اوعى تحطها فى العطا

شيء رائع انك تشاركي الخدام معاكي بشعورك و ماتخليش أية فكر جوا قلبك شاركيهم فيه بالمحبة ومش عتاب
لأنو ممكن احساسك يكون غلط قوليلهم انو انا بحس ............................. وانا بطلب مساعدتكم ولو صرت معلمة بمدارس الأحد ببقى طالبة عندكم وانا بفتخر بالحاجة ديه

اعتقد انه فى افكار من الأفضل انه ما تخرجش من القلب
الإ فى عرش النعمة
لأن الناس ساعت بتفهم الأمور غلط
وممكن المشاركة تتفهم بشكل خاطىء

خصوصآ ان ده احساس فردى نتيجة الجو الجديد اللى هى موجودة فيه
والجو ده مش جديد على حد تانى غيرها هى بس
عشان كده هى محتاجة انها تتعامل مع المشاعر اللى عندها بشكل فردى وشخصى جدآ
بدون مشاركة
والأهم انه تكون كل مشاعرها بين ايد القدير
المشاعر مهمة جدآ فى خدمة زى مدارس الأحد
عشان كده لأزم تكون مشاعرنا مقدسة

على فكرة انا بتكلم مصري كويس جدا وديه شهادة من فريق منتظرو الرب كانوا عندنا من حوالي 3 شهولا قالولي تتكلم مصري وكأنك مصري

مصر ام الدنيا
وبما انك بتتكلم مصرى حلو ابقى ابعت العطا مع اى حد من الفريق
او حتى مع المنتخب السورى فى الدورة العربية اللى جاية

العطا يارامى


تحياتى

[سوسنة]

مشاركة: مشكله محتاجه مشاركتكم سريعا

يسعدني ان اشترك معكم في المنتدي الرب يبارك حياتكم وخدمتكم
اريد معرفة تاريخ انتشار مدارس الأحد بمصر مع شكري وصلاتي لكم

[shery]

مشاركة: مشكله محتاجه مشاركتكم سريعا

بجد مبسوطة قوى من المشاركة معكم في المنتدي وبصلي ان الرب يبارككم قوي ويستخدم كل واحد منكم في مجال خدمته ببركة كبيرة
هاي ميروو......علي فكرة زي ماقال عادل فعلا مشكلتك هي مش مشكلة فردية وهي بتحصل لكل حد بيدخل خدمة جديدة عليه وبالذات ان الخدام شركائك هم كانوا خدامك لكن بجد هيفرق معاكي قوى لو صليت قوى لأجل الأمر ده وخرجتي الموضوع من دماغك وحاولي قوي تأخدي من الخدام وتتعلمي منهم لأن ده أكيد هيفيدك في خدمتك
حابة أقولك أن بجد أعظم خدمة وأروع خدمة هي التعامل مع الأطفال ورسم بسمة علي وجه كل طفل بتتعاملي معاه......بصلي أن ربنا يباركك قوي في خدمتك ويديك نعمة وحكمة في تعاملك مع مجموعة الخدام معاكي
ثقي أن الله قادر ان يستخدمك قوي في حياة الأطفال وحياة شركاء خدمتك

[shery]

مشاركة: مشكله محتاجه مشاركتكم سريعا

[color=#000033]4][][/QUOTE][font=Times New Roman]بجد مبسوطة قوى من المشاركة معكم في المنتدي وبصلي ان الرب يبارككم قوي ويستخدم كل واحد منكم في مجال خدمته ببركة كبيرة[/font][font=System]هاي ميروو علي فكرة زي ماقال عادل فعلا مشكلتك هي مش مشكلة فردية وهي بتحصل لكل حد بيدخل خدمة جديدة عليه وبالذات ان الخدام شركائك هم كانوا خدامك لكن بجد هيفرق معاكي قوى لو صليت قوى لأجل الأمر ده وخرجتي الموضوع من دماغك وحاولي قوي تأخدي من الخدام وتتعلمي منهم لأن ده أكيد هيفيدك في خدمتك
حابة أقولك أن بجد أعظم خدمة وأروع خدمة هي التعامل مع الأطفال ورسم بسمة علي وجه كل طفل بتتعاملي معاه......بصلي أن ربنا يباركك قوي في خدمتك ويديك نعمة وحكمة في تعاملك مع مجموعة الخدام معاكي
ثقي أن الله قادر ان يستخدمك قوي في حياة الأطفال وحياة شركاء خدمتك[QUOTE[/fo[/size]nt[/color]]