نصيحة لكل فتاة مسيحية خواطر بقلم/ ناجح ناصح جيد

[nageh]

(الكاتب - الذئب البشرى-الفتاة المسيحية)
نصيحة بأقولها للفتاة المسيحية اللى على كلمة الله متربية
خلى بالك من المعاشرات الردية والحيل العاطفية اللى بيسموها غرامية
يقولك الحبيب اللى جواه ذئب عجيب يالا ياغالية نحب ونملأ الكون بالحب
أحنا أتعهدنا وقدامه أرتبطنا أديك نفسى أديك جسدى ,انت ياعمرى ياللى ليكى أمرى
يالا نسلم النفس ونختم على الحب بالعطاء
( وأه على اللى تحت الغطاء، نهش بلاحياء)
يالا نسعد ونتهى وعلى جوعنا مانستنى من غيرنا يعرف باللى فى قلبنا غير ربنا
ربنا ياللى ماتعرف ربنا ياشيطان، ياعبد يالئيم ياشريك أبليس الرجيم
يالا نبدأ أعظم قصة حب ، نكشف اللى فى القلب ، نتعاهد نكون لبعض
نشبع جوع بعض، نروى عطش بعض، جعان أشبعينى، عطشان أروينى بس صدقينى
وجسدك سلميلى
يابنتى ياغالية خافى على نفسك ، خافى على عايلتك، على مسيحيتك
أسكت مالك أنت بى عمال توعظ وتقول وأنت عامل نفسك
من أصحاب العقول، وأنت متخلف وعاما فيها مؤلف
يابنتى دى مش مسيحية ولاحرية دى رغبات حيوانية
فى المحبة متخفية زى الحية الردية
المحبة تستنى ماتستعجلش
المحبة تعطى ماتطلبش
وبشرفك ووجودك ماتاجرش
المحبة مش رذيلة
وأوعى من الحيلة لتقودك للرذيلة
لاجنس قبل الزواج ولادخول من الأعتاب
مهما كنتم أحباب أو حتى خطاب
أحذرى من الخطوة الأولى
الهمسة واللمسة وأول قولة
أوع تدى نفسك للى عاوزك لمسك
أو من جسدك يمسك
يأكل ويسد نفسك
ولدمارك يمسك
هايذلك ويهينك
ويقولك فين دينك أنا دلوقت بأدينك
بصراحة قولى بيت أبويا مفتوح
عاوزنى يالا نصلى وبعدين روح
الحملة دى مراية تكشف الديب من الحبيب
والجاد والغريب، تطفش الكذاب ، وتقرب الأحباب
عاوزنى تعال لأبويا معاه أمى وأختى وأخويا
عايلتى حمايتى
وتحت ظل الرب رعايتى
وفى حمايته كفايتى
وتباركنى كنيستى
فيها أسلمك نفسى
يالا تعال للرب نقول
ونعيش له علطول
كده يابنتى أحسن القول
وماعندى صار ليك مقبول
يحفظك الرب
ويديك أحسن العقول
القاهرة فى 25يناير2009
هواة الكوبى والبست دون ذكر اسم الكاتب
يمتنعون

[وحيد جرجس]

مشاركة: نصيحة لكل فتاة مسيحية خواطر بقلم/ ناجح ناصح جيد

اشكر الله لاجلكيا اخ ناجح .حقيقى نصيحة غالية جدا و الرب يعوض تعب محبتك
لكن لى راى فى هذا الموضوع الا وهو :لا يوجد قبل الزواج .......بل الحب قبل الزواج بين فتى و فتاة يساوى جنس
و الا ما معنى ان احب و انا غير مؤهل للزواج ؟
ارجو من كل شاب و شابة ان لا يشوهوصورة الحب الجميلة و لا يخلطوا الغرائز بالحب لان معظم ما يمر به الشاب هو غريزة و ليس حب
و الر ب معكم و يبارك و يحفظ شببابكم لمجد اسمه كل الايام
وحيد جرجس

[engy_sondos]

مشاركة: نصيحة لكل فتاة مسيحية خواطر بقلم/ ناجح ناصح جيد

جميلة جدااااااااااااااااااااااااااااااااااااااااااا منتظرين المزيد

[RICHALE]

مشاركة: نصيحة لكل فتاة مسيحية خواطر بقلم/ ناجح ناصح جيد

صحيح الرب يحفظ البنات والشباب من هذا الشر ويحافظ عليهم بحمايته الاليهة
الموضوع حلو ومهم جدا شكرا على النصيحة
والرب يباركك

[nageh]

مشاركة: نصيحة لكل فتاة مسيحية خواطر بقلم/ ناجح ناصح جيد

شكراً أحبائى لمروركم
وهذه ليست قصيدة ولاشعراً انما خواطر فانا لست ممن يجيدون كتابة الشعر
الرب يبارككم