ألمحبه أساس البنيان

[رومانى جاد]

( ان لم يبنى الرب البيت فباطل تعب البنائون )

فى مشكلة او ازمه روحية اشاهدها فى بعض الاشخاص واحيانا قد تكون فى انا كشخصى فحياتى فى بعض الاحيان وارجو ا الصلاة من اجل ان الله يرفع غضبه عنا ويعدل من اوضاعنا واسلوبنا فى الحياة تجاه كل نفس كل شخص فى الحياة
كثيرا ما نتكلم عن المحبه فى اجتماعاتنا فى حياتنا فى بيوتنا ونحن لا نعمل بالمحبه ؟
كيف يكون هذا ؟

مثال اقول بصراحه الشخص ده كويس وانا بحبه والاخر؟ لا اصلى ده راجل اسلوبه مختلف ومينفعش اننا نحبه او نمشى مع اسلوبه لانه بيعمل اخطاء كثيرة ده حتى مش اخطاء ليا انا لشخصى ده لو ليا انا ممكن اسامح لكن ما اسامحش ابدا ابدا فى حق غيرى وممكن الشخص ده يكون ارتكب خطا عام فى حق الغيراو فى حق الكنيسه او فى حق ربنا لا انا مقدرش اسامح ابدا انا لازم اوريه العين الحمراء لا لا انا استحملته كتير لو حد غيرى مكنش استحمله زى كده ده بيعمل ويعمل ويعمل و ...
نسمع صوت ربنا يقولنا ( من انت ايها الانسان لكى تدين اخيك الانسان ) هل انت يا انسان هتعرف الغيب اكتر منى هل ليك عيون تخترق استار الظلام نفس عيونى هل انت اللى صنعت الانسان بالكلمه هل سلطان الحكم على اخيك الانسان من حقى انا والا من حقك انت هل انت عايز تجى تقعد مكانى وتحكم على غيرك وتتكبر كما تكبر الملاك وسقط من اعلى سمواتى من انت ايها الانسان كى تميز الخراف عن الجداه هل هذا من حقى ام من حقك ..

الانسان يقول لا يا رب اصلى انا بحبك قوى وغيرتى عليك وعلى اولادك من الشخص ده هى اللى ممخليانيش قادر استحمله ولا احب اخى اللى مش عايز اشوفه والا اسمع حتى صوته اسامحه ازاى يا رب لا لا بصراحه كده يا رب ده انسان ميتحبش خالص على افعاله اللى بيعملها ولا على عمايله

نسمع صوت ربنا يقول (( ان لم تحب اخاك الذى تبصره فكيف لك ان تحب الهك الذى لا تبصرة ) كيف يبنى متحبش اخوك اللى انت شايفه كل يوم وشايف اوضاعه وحياته وشايف وعارف كل شى عنه كيف هتحبنى انا اللى انت لم ترانى هل انت بتضحك على نفسك والا بتضحك عليا انا شايف كل حاجه شايف اخيك ماذا يفعل وشايفك انت ماذا تفعل خليك فى نفسك بص لحالك وقبل ما تخلع القشه التى فى عين اخيك اخلع الخشبه اللى فعينك اولا بص لنفسك انت بس واتركلى اخوك ده انا هغيرة بطريقتى وفى الوقت اللى انا هختارة انا شايف اللى انت مشايفهوش عالم بكل الغيوب متقلقش انا كفيل بخليقتى انا القدر ولا احد يقدر غيرى

احب اقولك اليوم اشكرك يا رب على كل شى ومن اجل كل شى وفى كل شى انت صح يا رب كل الكلام اللى بتقوله صح يا رب ولكن انا ضعيف وعشان ضعفى مش قادر اعمل اللى بتقول عليه ده يا رب لكن انا اليوم وضعت نفسى وحياتى وقلبى قدامك تغسلنى وتنظفنى وتشيل الغشاوه اللى على عينى وقلبى وتعطينى محبه من عندك اقدر احب بها اخوى الانسان لان محبتى انا قليله وغير فعاله ادينى محبه فعاله من عندك يا رب انى اقدر اسامح وانسى اخطاء اخى الانسان

رجائى فى المسيح اولا وفى كل شخص عنده مشكله مع اخيه الانسان ان يراجع حساباته ويسامح لان بدون التسامح لا توجد المحبه افتح قلبك للمسيح ولمحبته حتى نقدر نحب اخواتنا المشكله تولد مشكله الكراهيه تولد كراهيه لكن المحبة تولد محبه ولا تموت لان الرب يقول المحبه لا تسقط ابداُ

اشكر اولاً ربى والهى ومخلصى يسوع المسيح لان عطانى حياة ونفس اتنفسه فى هذه اللحظات لكى اقول ما فى داخلى
واشكر ايضا جميع المراقبين والاعضاء والاخوه والاخوات وسلام ومحبة ربنا يسوع المسيح فلتكن مع جميعنا الى ابد الابدين .

اخوكم الضعيف
رومانى جاد