إعـــــــلان

**ALMOOFTY** · 05-03-10, 07:15 AM

رد: فكــــاهـــات

بالحليب أو على الريحة

ذهب أحدهم ليهنئ صديقه بمناسبة زواجه فطرق باب شقة صديقه , ففتحت الخادمة له الباب فسأل عن صديقه المتزوج الجديد فقالت له الخادمة هو موجود تفضل بالجلوس في الصالون، دخل الصديق للصالون ينتظر صديقه المتزوج الجديد وأثناء انتظاره في الصالون دخلت عليه زوجة صديقه فابتسمت له دون أن تتكلم فلاحظ منها حركة غريبة حيث أنها رفعت احدى يديها ووضعتها على صدرها ثم ابتسمت مرة ثانية ووضعت يدها الثانية على "مؤخرتها" لكنه لم يفهم ماذا تقصد هذه الزوجة بتلك الحركة فظن أنها تغازله وتعاكسه فقرر أن يخبر صديقه بتصرفات هذه الزوجة الخائنة،
فلما حضر الزوج أي صديقه من الداخل قال له الضيف : أنا جئت لأبارك لك زواجك لكن الآن أنصحك بأن تطلق زوجتك فهي لا تصلح لك، فتصرفاتها تدل على الخيانة فاستفسر الصديق من صديقه عن ما بدر من زوجته فأخبره بالحركة التي فعلتها قبل دخوله عليه حيث أنها ابتسمت لي وضعت احدى يديها على صدرها مرة ووضعت الأخرى على أردافها مرة أخرى فهي تغازلني بطريقة وقحة،
فضحك الصديق وقال له : لقد فهمت الموضوع بطريقة خاطئة، أود أن أخبرك أنني متزوج من فتاة خرساء لا تتكلم، فحين جاءت اليك كانت تود أن تسألك
ما نوع القهوة التي تفضل أن تشربها هل هي بالحليب أو على الريحة؟؟؟

**عندليب** · 07-03-10, 10:21 PM

رد: فكــــاهـــات

هههههههههههههههههههههههههههههههههههههههههههههههههه ه
ضحكت حتى دمعت هههههههههههههههههههههههههههههههههههههههههههههههههه هه
حلووووووووووووووه الفكاهات

**ALMOOFTY** · 15-03-10, 01:44 AM

رد: فكــــاهـــات

شوية فرفشة

*حسنين بيقول لصاحبه : والله ماعرفتش طعم النوم
في القطر امبارح
صاحبه : ليه
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ،ماكانش فيه حد في السرير التحتاني
عشان ابدل معاه
.................................................

*صعيدي متعلم حب يفتح حساب في البنك سافر
للقاهرة عشان يملا الاستمارة لانه شاف مكتوب عليها (FILL UP INCAPITAL)
.................................................. ....

*تحطمت طائرة صغيرة تتسع لراكبين سقطت فقط فوق احد
المقابر بالصعيد
اخوانا الصعايدة انتشلوا 500 جثة وما زال الحفر مستمراً
.................................................. ......

* بروفيسور صعيدي اخذ معاه سباك عالكلية
علشان يعرف من فين بتتسرب اسئلة الامتحانات
................................................

*صعيدي فهمان ومراته طلبوا قهوة باحد المقاهي
بيقولها : اشربي بسرعة
قالتله : ليه؟ قالها : لانك جاهله ومابتعرفيش تقري،
مكتوب قهوة ساخنة ب 5
جنيه وقهوة باردة ب10 جنيه
.................................................. .

*صعيدي واقف قدام المراية ومغمض عينيه
مراته بتساله :بتعمل ايه؟
قالها : بحاول اشوف شكلى ازاى وانا نايم
.................................................. .

*المدرس طلب من التلاميذ كتابة موضوع عن مباراة شافوها في كرة القدم
كل التلاميذ مشغولين بالكتابة الا عوضين الصغيَر
كتب جملة واحدة : 'بسبب الامطار تأجلت المباراة'

ملحوظة :
التعليق فى المداخلة السابقة من عندليب - نتمنى لها الفرح دايما بهاى الفكاهات بس لي تفسير لكلمة فكاهات وفرفشة
الفكاهات بمعنى ضحكات أو نكت وليس الفاكهة مثل العنب والتفاح
والفرفشة بمعنى نعنشة وليست فيشار

:wink:

**ALMOOFTY** · 30-03-10, 05:54 AM

رد: فكــــاهـــات

This is Funny

Saudi Prince goes to Germany to study.

A month later, he sends a letter to his dad saying:
"Berlin is wonderful, people are nice and I really like it here,
but I'm a bit ashamed to arrive to school
with my gold Mercedes when all my teachers travel by train."

Sometime later he gets a letter from his dad with a fifty million dollar checque saying:
"Stop embarrassing us!
go and get yourself a train too!"

**ALMOOFTY** · 18-04-10, 05:17 AM

رد: فكــــاهـــات

فكاهات
اتنين مساطيل ركبوا أتوبيس بدورين
اللى فوق سأل اللى تحت انتوا ماشين بسرعة كام؟
قالوا 80, وانتوا؟
قاله السواق لسه مجاش
--------------------------------------------------
واحد راح مستشفى المجانين لقي كل المجانين عماليين ينطوا ويقولوا إحنا فشار!
لقى واحد قاعد على جنب
قال بس هو ده العاقل اللى فيهم
قاله انت قاعد ليه كده؟
قاله
سيبنى دلوقتى
انا لازق فى الحلة
-----------------------------------------------------
مسطول بيقول لصاحبه عايزين نطلع فنانين
انت فنان تشكيلى
وانا فنان اشكيلك
--------------------------------------------------------
قطة سكرانة ماشية تقول
الله يخرب بيت الحشيش وسنينه هيا كانت ماو ولا ناو
--------------------------------------------------------
واحد صعيدي روحه بتطلع الشيخ قاله
قول الشهادة بسرعة
قالوا (دبلوم صنايع)
----------------------------------------------------
مرة واحد راح مكة ووقف امام الكعبة وقال
يارب اغفر لى عن كل كلمة حكيتها عن الصعايدة وانى اتوب اليك توبة صادقة وفجأة جاله واحد صعيدى من وراه وسأله
هيا القبلة منين؟
قال شفت يارب هما اللى بينكوشونى
-----------------------------------------------------
صعيدى جاتله رسالة حلوة
قعد يضحك واتصل باللى بعتهاله وقاله
والنبى تبعتها تانى
----------------------------------------------------
واحد اتصل بواحد صاحبه وقاله
انا عارف ان الوقت مش وقت رسالة بس الموضوع مهم وقلقنى ومش مخلينى عارف اركز ولولا ثقتى الكبيرة فيك مكنتش سألتك
هيا الطيارة فيها كلاكس؟
------------------------------------------------
مساطيل بيكتبوا محاضرة ورا دكتور
كل مايمسح السبورة يقطعوا الصفحة
-----------------------------------------------------
واحد بينسى الدكتور قاله روح حج يمكن تخف
راح حج وهو راجع بيفكر نفسه
حج وحجينا
طواف وطفنا
سعى وسعينا
عرفة ووقفنا
ناسى ايه تانى يابطرس؟؟؟
-----------------------------------------------------------------
واحد كسب مليون جنيه راح لمراته يفرحها فماتت من شدة الفرحة قال :
سبحان الله الخير لما بيجى بيجى مرة واحدة
--------------------------------------------------------------

**saherwafai** · 21-06-10, 03:09 PM

دخَّلْهم يا حسين ... مقال جامد الصراحة

عمر طاهر

لو كان الأمر بيدي لمنحت سيناريست حملة «خلطة مش منطقية من دولسيكا» أوسكار أفضل إعلان مصري ، وبالرغم من ضآلة شأن المنتج الذي تروج له الحملة (آيس كريم بالعسلية) فإنه جاء معبراً عن روح مصرية خالصة ، فهو يروج لخلطة غير منطقية في بلد يعمل بنفس الميكانيزم تماماً، وإذا كان شعار الناس في بداية السبعينيات «أفرم أفرم يا سادات» فالشعار الذي يليق بالمرحلة هو «دخَّلْهم يا حسين»، وحسين هو الشخص الذي يُدخل في ماكينة غريبة (رائد فضاء مع ماكيت القرية الذكية) فيخرج من الماكينة آيس كريم بالعسلية.. وهكذا تجري الأمور في مصر... خد عندك..

٧٠٠ جرام سليكون + مدير أعمال صايع (دخَّلْهم يا حسين) والناتج مطربة تكسر الدنيا.

كرتونة بيض + جهاز ديكودر (دخَّلْهم يا حسين) والناتج استوديو تحليلي.

شقة مفروشة + رخصة جريدة (دخَّلْهم يا حسين) والناتج حزب معارض.

شقة إيجار قديم + رخصة سلاح (دخَّلْهم يا حسين) والناتج الحزب الوطني.

قطعة أرض صحراوية + مدير ائتمان في بنك حكومي... والناتج ملاعب جولف.

80 متر قماش + سيارة نصف نقل بميكروفون... والناتج عضو مجلس شعب.

موبايل بجراب + جاكيت جلد... والناتج أمين شرطة.

مدينة الإنتاج الإعلامي + 12 لفة قمر الدين... والناتج شهر رمضان.

اتنين مابيحبوش بعض + تقرير عن اعتصام أمام مجلس الشعب... والناتج برنامج توك شو.

أتوبيس نقل عام + محصول الأرز عن 2009... والناتج مستشفي الصدر.

طبلة وصاجات + نعي لناس ماتت... والناتج جريدة قومية.

طبلة مكتومة + نعي لناس عايشة... والناتج جريدة مستقلة.

مهاجر غير شرعي + سيارة نقل محملة بالبطيخ... والناتج عصام الحضري.

عائلة مصابة بإسهال + ماكينة ري .. والناتج بائع خضار في سوق العبور.

عيدية رمضان + 3 إيشاربات ملونة فوق بعض... والناتج تحرش جماعي.

سلعوة بـ 3رجلين + شريط حبوب مخدرة... والناتج سواق ميكروباص.

أم بتدعي + شحنة أعلام مصرية قادمة من الصين .. والناتج كأس الأمم الأفريقية.

شاب حاصل علي بكالوريوس تجارة + تشكيلة من الصابون المعطر... والناتج دكتور صيدلي.

مسَّاحات عربية مرفوعة + شخص هارب من أحكام بالسجن... والناتج باركنج.

جهاز قياس الضغط + لبانة سكرها راح... والناتج مشجع زملكاوي.

http://dostor.org/authors/11/55/10/june/5/18349

**ALMOOFTY** · 27-06-10, 06:28 AM

رد: فكــــاهـــات

صعيدي اهدته صاحبته ببغاء... واتصلت تسأله ايه رأيك في الهديه ؟
قالها: عادي خالص
زي طعم الفراخ
==========================
صعيدي أبوه مات
قالو له ادي الراجل اللي غسله 50 جنيه
قالهم ليه هو غاسل مارسيدس؟؟؟
==========================
صعيدي قال للصيدلي: اديني حقنة من اللي بتاخدها مراتي
الصيدلي قاله اسمها ايه ؟
قاله الصعيدي:... مديحة
==========================
اعلنو حظر التجول في الصعيد
طلعوا الصعايدة يشوفوا ايه الموضوع
==========================
اذا كان السمك يعيش في الماء
فكم عدد ايام الاسبوع؟
صعيدي محشش بيذاكر لأخوه
==========================
صعيدي متخانق مع حبيبته بعتلها مسج و قالها:
انا عملت حادثة ومت
==========================
صعيدية قالها أبوها جالك أخ صغير
قالت وحياتك ماتقولش لأمي خليها مفاجئة
==========================
صعيدي القى محاضره دينية على مكفوفين
موضوعها غض البصر
==========================
صعيدي جاله عقد عمل فى الكويت، يوم السفر قاعد فى المطار فالمذيع الداخلى بيقول : "على ركاب الرحله 770 المتوجهه الى الكويت التواجد بصاله الدخول"، "النداء الأخير لركاب الرحله 770 المتوجهه الى الكويت التواجد بصاله الدخول." فموظف المطار بيقوله "رحله الكويت هتطلع يا أستاذ" ، فيرد عليه ويقوله : "ايوة دول طالعين رحله ... انا طالع شغل"
==========================
صعيدي اشترى لحبيبته عصفورين!!
واحد بيغرد والثاني ساكت
سألته حبيبته: ليه الثاني ساكت؟
قالها: ده الملحن

**ALMOOFTY** · 27-06-10, 06:35 AM

رد: فكــــاهـــات

بخيل راح يزور امه فى المستشفى
لقى مكتوب على الباب( ادفع)
قال ربنا يشفيها ابقى اشوفها لما ترجع البيت....
__________________________________________

صعايدة سرقوا البنك
معرفوش يعدوا الفلوس قالوا بكرة نعرف من الجرايد!!
_________________________________________

مسطول حاضر عزاء واحدة حلوة
المقرئ قال
اذكروا محاسن موتاكم
قال المسطول
الله يرحمها كانت صاروخ!!
____________________________________________

صعيدى جاتله رساله حلوة قعد يضحك
اتصل بالى بعتهاله وقاله
والنبى ابعتها تانى
___________________________________________

واحد اتصل بمراته قالها
حضرى المايه السخنه انا جاى فى الطريق
صاحبه قاله
دانت حمش اوى
قاله امال اغسل المواعين بمايه ساقعه!!
____________________________________________

بطيخه بتقول للخضار متخلوش البصل يجى هنا
علشان الناس بتطفش
البصل سمع الكلام فزعق وقال
تروح تشوف نفسها الصايعه
اى حد يطبطب عليها تروح معاه
____________________________________________

واحد بيقول لصاحبه عيب مراتك تحدفك بالشبشب واحنا قاعدين
قاله بس بزمتك جه فيا
________________________________________________

واحد أرهابى بيقول لصاحبه احنا فى الجنه هيجبولنا ستات اشطه – أيشى 72 حورية وايشى ولدان مخلدون وهلم
قاله والستات بتوعنا
قاله هيعذبوا بيهم الكفار
________________________________________________

واحد بيقول لخطيبته لما ازمرلك انزلى
قالته ليه يا حبيبى انت جبت عربيه
قالها لا
جبت زمارة
________________________________________________
صعيدى اشترى موبايل سامسونج
بعت رساله لخطيبته ماتتصليش علي النوكييا علشان بعته

**ALMOOFTY** · 27-06-10, 06:41 AM

رد: فكــــاهـــات

المشاركة الأصلية بواسطة عندليب مشاهدة المشاركة

هههههههههههههههههههههههههههههههههههههههههههههههههه ه
ضحكت حتى دمعت هههههههههههههههههههههههههههههههههههههههههههههههههه هه
حلووووووووووووووه الفكاهات

ربنا يفرحك هيك على طول
شو بتريدى ؟ واحدة ع الطاير بلهجتك لأجل ما تفتهميها

وحده عالطاير

في مؤتمر للعلوم والتكنولوجيا ،وقف عالم فرنسي وبدا يحكي عن تاريخ
الاختراعات في فرنسا . وقال : عندما حفرنا تحت برج ايفل وجدنا خطوط
تلفون قديمة . مما يعني اننا في فرنسا استخدمنا شبكة التلفونات قبل اكثر من 100 عام
طبعا الكل عارف انها صاروخ وبيكذب ، بس مشوها له

قام عالم ايطالي وقال : عندما بحثنا تحت برج بيزا المائل وجدنا
خطوط تلفون قديمة . مما يعني اننا في ايطاليا استخدمنا شبكة التلفونات
من اكثر من 500 عام
عاد هاذي كانت كذبه واضحة شوي بس برضوا مشوها له

قام الاخ المصري . وسكت شوي مو عارف وش يقول . بعدين قال : عندما
حفرنا تحت الاهرام . ...اتطلع بوجوه الناس . اللي غطى وجهه . واللي
نزل تحت الطاولة من الضحك . رد قال
لما حفرنا تحت الاهرام ، و لم نجد ولا كيبل تحتها !!!
وسكت الجميع اللي في القاعة
وقالوا هذا الرجل بتكلم كلام صحيح وجدي جدا
بعدها اكمل العالم المصري وقال
مما يعني اننا في مصر نستخدم الموبايلات منذ اكثر من سبعة الاف سنة !!!!

**الرب أولا** · 31-07-10, 01:43 PM

رد: فكــــاهـــات

هههههههههههههههههههههههههههههههه
تجنن
بس لو شافوها الصعايدة تبقا مصيبة
ههههههههههههههههههوحده عالطاير

في مؤتمر للعلوم والتكنولوجيا ،وقف عالم فرنسي وبدا يحكي عن تاريخ
الاختراعات في فرنسا . وقال : عندما حفرنا تحت برج ايفل وجدنا خطوط
تلفون قديمة . مما يعني اننا في فرنسا استخدمنا شبكة التلفونات قبل اكثر من 100 عام
طبعا الكل عارف انها صاروخ وبيكذب ، بس مشوها له

قام عالم ايطالي وقال : عندما بحثنا تحت برج بيزا المائل وجدنا
خطوط تلفون قديمة . مما يعني اننا في ايطاليا استخدمنا شبكة التلفونات
من اكثر من 500 عام
عاد هاذي كانت كذبه واضحة شوي بس برضوا مشوها له

قام الاخ المصري . وسكت شوي مو عارف وش يقول . بعدين قال : عندما
حفرنا تحت الاهرام . ...اتطلع بوجوه الناس . اللي غطى وجهه . واللي
نزل تحت الطاولة من الضحك . رد قال
لما حفرنا تحت الاهرام ، و لم نجد ولا كيبل تحتها !!!
وسكت الجميع اللي في القاعة
وقالوا هذا الرجل بتكلم كلام صحيح وجدي جدا
بعدها اكمل العالم المصري وقال
مما يعني اننا في مصر نستخدم الموبايلات منذ اكثر من سبعة الاف سنة !!!!
بتجنننننننننننننن

**ALMOOFTY** · 19-10-10, 03:17 AM

رد: فكــــاهـــات

زعلان ليه ابتسم من فضلك
---------------------------------------
عجوزه نزلت حمام السباحه حصل برق في السماء قالت يوووه الشباب بدأو يصوروـ

ــــــــــــــــــــــــــ ــــــــــــــــ

رقاصه اتكعبلت وقعت في حضن شيخ قالتلو ادعيلي قالها يارب ماتقوميـ

ــــــــــــــــــــــــــ ـــــــــــــــــــــ

وحده وحشه اوي داخله الحمام بتقول اعودبالله من الخبث والخبائث فالشيطان قالها من غير متقولي انا كده كده طالع

ــــــــــــــــــــــــــ ــــــــــــــــــ

واحد بيعاكس وحده بيقولها الحلوه وراها مشوار قالت لا الحلوه وراها حمار

ــــــــــــــــــــــــــ ـــــــــــــــ

واحد بيصلي وقف جنبو واحد اسود, الامام قال استوو قال استوينا بس واحد انحرق

ــــــــــــــــــــــــــ ــــــــــــــــــ

واحد دخل علي جماعه حشاشين قال حرام عليكم
قالو : وعليكم الحرام

ــــــــــــــــــــــــــ ــــــــــــ

هندي بيسأل مصري ليه مش احرق جثه قبل ادفن؟
رد المصري وقال
احنا ادفن بعدين ربنا احرق

**ALMOOFTY** · 19-12-10, 05:46 AM

رد: فكــــاهـــات

اول مانزلت السيجارة في الصعيد

**fadi2** · 02-01-11, 01:00 AM

رد: فكــــاهـــات

نكت

1- اصطحب أحمقان وبينما هما يمشيان في الطريق يوما قال أحدهما للآخر تعال
نتمنى . فقال الأول أتمنى ان يكون لي قطيع من الغنم عدده 1000 وقال الآخر
اتمنى أن يكون لي قطيع من الذئاب عدده 1000 ليأكل أغنامك ، فغضب الأول
وشتمه ثم تضاربا ، مر جحا وسألهما فحكيا له قصتهما وكان جحا يحمل قدرين
مملوءين بالعسل فأنزل القدرين وكبهما على الأرض وقال لهما اراق الله دمي مثل
هذا العسل إن لم تكونا أحمقين
—————————————–
2- في بحار أمي (جاهل ) وبيطلع نزهة بالسواح وفي مرة من المرات ركب معه
سائح متكبر ويقول للسائح هل تعرف شيئا عن العلوم ويرد البحار لا ، فيقول له
نصف عمرك ضائع وتكرر هذا عدة مرات وفجأة غرقت المركب فقال البحار
للسائح هل تعرف السباحة فأجاب السائح بلا فقال البحار كل عمرك ضائع
—————————————–
3- بخيل واقف فى البلكونة… ابنه جاى من بعيد يقول له بابا بابا بابا … قاله:
يا ابن الكلب بابه واحده كفاية.

—————————————–
4- قال بخيل لأبنائه : من ينجح منكم سأريه سيارة الأيس كريم.
—————————————–
5- امراه بخيله قالت لولدها يامحمد روح اشتري ثلاثه رغيف واحد لي وواحد
لوالدك وواحد ليك وبعد ما راح الولد لشراء الرغيف طلعت الام من البلكونه
وقالت يامحمد رجع الرغيف الثالث ابوك مات.
—————————————–
6- بخيل يوم مات لقوا وصيته ( انا متسبح لا تغسلوني )
—————————————–
7- بخيل اخذ ولده الى السوبر ماركت، اخذ الولد بسكوت وشوكلاته قال يابابا
احبه قال الاب بوسه ورجعه.
—————————————–
8-كان أحد البخلاء على فراش الموت واخذ يسأل عن أبناءه، أين محمد ؟ قال
محمد: نعم يا أبي… وأين محمود ؟ رد محمود باكيا، انا هنا يا ابي… الأب: ما
هذا انتم الاثنان هنا، اذا من يقف في المصنع ؟!
—————————————–
9–بخيل اتزوج بخيلة جابوا بنت سموها حصالة.
—————————————–
10-اشترى رجل بخيل ثلاث برتقالات، قطع الأولى فوجدها متعفنة فرماها، قطع
الثانية فوجدها متعفنة فرماها، فأطفأ النور وقطع الثالثة وأكلها.
—————————————–

11-قال الطبيب للبخيل: خذ من هذا الدواء أربع ملاعق كل يوم. فرد البخيل: لكن
يا دكتور لا يوجد عندي إلا ملعقتين فقط! فما العمل ؟
—————————————–
12- البخيل: حظي سيئ!! الصديق: ولماذا ؟ البخيل: لأن الصيدلية التي بجوارنا
أعلنت عن تخفيضات وليس فينا أحد مريض.
—————————————–
13- تراهن بخيلان على من يبقى تحت الماء أكثر من الآخر يدعوه للعشاء…
فلم يخرج أحد منهما حتى الآن.
—————————————–
14- مرة بخيل طب في حفرة فتجمع عليه الناس علشان يساعدوه… المهم انه
في الاخير ما كان راضي انه يطلع فجاهم واحد و سألهم عن هذا الشخص البخيل،
قالوله احنا قاعدين نقوله اعطنا يدك اعطنا يدك وهو رافض. قال بسيطه… خذ
ايدي… فطلع البخيل.
—————————————–
15- انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة.
—————————————–
16- أعطت إمراءة بخيله ابنها ريالاً وقالت له: أذهب واشتري خبزاً… لكن يا ويلك
اذا ضاع الريال منك. و في الطريق للمخبز شاهد الولد سياره تصدم أبوه… فذهب
مسرعاً إلى أمه البخيله وقال لها: امي امي .. الحقي .. أبي صدمته سياره!!
فقالت: اوووه .. بسيطه .. ظننت أن الريال قد ضاع منك.
——————————————
17-اجتمع ثلاثة من البخلاء وقرروا التبرع بجزء من مالهم بعدما كثر كلام
الناس عليهم. قال البخيل الأول: سأرسم دائرة على الأرض وأرمي المال في
السماء فالمال الذي يسقط بداخلها لي والمال الذي يسقط خارجها للفقراء!! قال
الثاني: أما أنا فسأرسم خطاً على الأرض وأرمي المال في السماء فالمال الذي
على يمين الخط لي والمال الذي على شمال الخط للفقراء!! فقال الثالث ( وكان
أشدهم بخلاً): أما أنا فسأرمي المال في السماء فالمال الذي يسقط على الأرض لي
والمال الذي يبقى في السماء فللفقراء
—————————————–
18- في مرة واحد نذل راح عا المقابر وحط شريط الحياة حلوة
—————————————–
19- في عجوزه راحت الغابه شافها الاسد قالتلو لا تاكلني ؟قالها لا تخافي ما اكل
نواشف
—————————————–
20- واحداخذ الدواء قبل ميعاده ليش؟؟؟ علشان يفاجئ الجراثيم
—————————————–

21- فيه شى اسود يمشى على الجدار ويقول : ميووو…ايش يكون؟؟؟ غراب
بيستهبل
—————————————–
22- فيه نقطة زرقا على الحيطةايه هي ؟؟؟ نملة لابسة جينز
—————————————–
23- واحد نذل اختلف مع ابوه طلع من البيت وكتب عليه هنا مقر طالبان
—————————————–
24- بخيل بنى مـسـجـد شـاف الناس اللي بيدخلوه كثير قـلـب
الـمـسـجـد مـطـعـم
—————————————–
25- اسد وكلب اتفقوا ان كل واحد يضرب الثاني علي قفاه بدأ الكلب وضرب
الاسد ولما جاء الدور علي الاسد الكلب جري والاسد بيجري وراءه الاسد سال قرد
بيقرا الجريده مشفتش كلب جري من هنا رد القرد وقال الكلب الي ضرب الاسد
علي قفاه غضب الاسد و قال الله يخرب بيوتهم هي لحقت تنزل في الجرايد.

—————————————–
26- مرة واحد قروي لقى الفانوس السحري دعك الفانوس العفريت جاله
تسلخات
—————————————–
27- مجانين حط لهم الدكتور أغنيه … قامو يرقصون الا واحد !! قال له
الدكتوور ليه ما ترقص قال اصل انا العروسة
—————————————–
28- فيـــــــه شايــــــب مسوي عملية تجميل قام الصبح يبكي
ليش ؟؟؟؟؟؟ لانــــــــه تاخر على الروضــــــــــــه
—————————————–
29- بخيل اشترى نصف كيلو تفاح عض التفاحة الاولى لقاها مسوسة والثانية
كذلك طفا الكهرباء واكل التالتة
—————————————–
30- مره واحدة عجوزة عندها 80 سنه لقت مصباح علاء الدين طلع لها الجنى
طلبت منه تصغر 30 سنه بقى عندها 50 سنه وطلبت منه يصغرها 20 سنه
بقى عندها 30 سنه طلبت منه يصغرها 10 سنين بقى عندها 20سنه طلبت منه
يصغرها 10 سنين جلها الحصبه ماتت

—————————————–
31- مرة ديك بقول لفرخة تتجوزيني عرفي قلتلة ده بابا يدبحني
—————————————–
32- مهندس كمبيوتر، حلل دمه، طلعت فصيلته hp
—————————————–
33- كلب شوارع مر من جنب مخفر شرطة شاف كلب بوليسي قال آخ لو كملت
تعليمي
34- مرة واحد بيحلم كل يوم بماتشات كتاكيت… راح للدكتور… فقاله هديلك
حقنة دلوقتي ومش هاتحلم بيهم تاني خالص… قاله
خليها بكرة يا دكتور علشان النهاردة ماتش النهائي
—————————————–
35- واحد بتاع فيديو جيم مات كتب علي قبره جيم أوفر
—————————————–
36- مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس … يالهوي وعملتي إية .. عملت بامية وامري لله
—————————————–
37- واحد سباك نفسه اتسدت غرقت الشقة
—————————————–
38- في مجموعة بخلاء مشوا على الكورنيش لقيوا لوحة مكتوب عليها منطقة
قروش قاموا كلهم نطوا في البحر
—————————————–
39-خبيث دخل أحد المطاعم وطلب صحن فول، وبعدما أنتهي من آكله سأل
الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج
ال13 قرش ورماها على الارض.. وتكرر المشهد 3 أيام متتالية. وفي اليوم
الرابع دخل المطعم وما معاه صرافة فاعطى الجرسون ربع جنيه(25) قرش وقال
له واحد فول، طبعا الجرسون حب ينتقم منه فاحضر الباقي(12)قرش ورماهم
على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت.
—————————————–
40- طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت … راح الطفل حاطط شوية سكر تحت السجادة… يومين و
لاقى صرصار فقال له لو مكنتش ابنى كنت قتلتك 22- 12
—————————————–
41- واحد قال لخطيبته أنتي لبن أنتي قشطة أنتي حليب أو أقلك ؟ أنتي البقرة
كلها
—————————————–
42-غبى شاف مقهى انترنت مكتوب عليه الساعه بــ 3 جنيه …. دخل يسأل
هي ضد الماية ؟؟
—————————————–
43- اتنين سكرانين ماشيين…فواحد قال للتاني:لما أموت ابقى اشرب لي الكاس
بتاعي ….فصاحبنا مات ، وبعد كام يوم التاني راح البار وطلب كاسين… قاله:
ايوه بس انت لوحدك…. فحكى له على الموضوع …..وبقى كل يوم يشرب
كاسين…لحد ما فى يوم طلب كاس واحد ……..الراجل قالوه اشمعنى…قاله:
اصل انا بطلت اشرب
—————————————–
44- واحد رخم قرصه ثعبان قعد يضحك يضحك الثعبان قاله مالك بتضحك ليه
دانا قرصتك قاله اصلي أنا عندي الايدز . 24-12
—————————————–
45- كان أحد البخلاء متضايقاً وحزيناً ، فسأله زميله : ما بك ؟
فقال البخيل : لقد انكسرت سنة من أسنان مشطي .وأنا أريد تسريح شعري .
الزميل : ألا يمكنك استخدام المشط دون هذه السنة ؟
البخيل : لا … لأنها كانت السنة الأخيرة !!!
—————————————–
46- مرة كان في أرنب مريض وراسه يوجعه فقالت السلحفاة له انا راح اجيب
لك بندول وبالفعل طلعت. ومر الوقت والارنب مريض ساعة ساعتين ثلاث خلص
اليوم وفي اليوم الثاني صحا الارنب من النوم والسلحفاة لسة ما رجعت فطلع
يتحرى وشافها توهها على بعد 100 متر فصرخ عليها وقال انا الغلطان اللي
اعتمد على مثلك فردت السلحفاة” احترم نفسك ولا ماني رايحة 5-1-2004
—————————————–
47- مرة اربع صاعيدة داخلين امتحان فاجلهم سؤال فى الامتحان وهو كام
عددارجل المعزة فكلهم سألو صاحبهم حسنين ووما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتيش اطلع
المعزة هههههههه
—————————————–
48- جماعة صعايدة بيلعبوا كهرباء على الطريق السريع اللى تخبطه عربية
يطلع برة
—————————————–
49- مرة تلاتة صعايده راحوا محطه القطار لقوا القطر ماشى اتنين منهم طلعوا
يجروا ورا القطر و التالت واقف يضحك عليهم .
الناس ساءلوه بتضحك ليه قالهم اصل انا اللى مسافر والاتنين التانين جايين
يودعونى
—————————————–
50-صعيدى راكب تاكسى السواق نزل يحيب علبة سجاير لاقاة خلع عصاية
الفتيس
سالة لية خلعتها
قلة شفتك عمال تلخلخ فيها قلت لما اشلهالك علشان متتعبش
—————————————–
51- مرة اثنين ساكنين فى ناطحات سحاب لكن المصعد كان معطل فطلعوا على
رجليهم فوصلوا الى الدور 99 فقال واحد للاخر عندى خبرين الاول حلو والثانى
وحش الحلو ان احنا وصلنا الى الدور 99 والوحش ان العمارة مش بتاعتنا
____
52- صعيدي عندو أرق مش قادر ينام صحبو قالو عد لغاية 500 بدأ يعد ولمن
نعس راح غسل وشة وجا يكمل للـــ 500
—————————————–

53– تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه
—————————————–
54- واحد بلدياتنا كان قائد فى الجيش و قدامه أربع صفوف عساكر ….واحد
من العساكر عطس..القائد سأل أول صف مين اللى عطس محدش رد فتح عليهم
النار قتلهم كلهم
و بعدين سأل الصف التانى مين اللى عطس محدش رد ..راح فاتح النار عليهم
….و إدور على الصف التالت قام واحد خاف و قاله انا اللى عطست ياباشا…قاله
القائد يرحمكم الله
—————————————–
55- سئلوا صعيدى : ليه جتلت أبوك
الصعيدى : كانوا عاملين رحلة للأيتام , كنت عايز اروحها
المحققين : طب ليه جتلت عمك ؟
الصعيدى : كنت عايز ابن عمى يسافر معايا
المحققين : طب ليه كنت عايز تنتحر
الصعيدى : أصلهم لغوا الرحلة
—————————————–
56- مرة واحد مسطول آل لواحد مسطول تاني يلا نسرق العمارة دي فرد التاني
:نوديها بعيد الأول علشان محدش يوشفنا وبعدين ألعوا هدومهم وحطوها وراهم
وأعدوا يزؤواوبعدين جه حرامي وسرق هدومهم فواحد بص وراه ملآش الهدوم
فأل للتاني كفاية كده إحنا بعدنا أوي
—————————————–
57- مرة واحد ظريف عاش في الدور.واحد أظرف منه عاش في الدور اللي فوقه
مرة واحد ظريف عاش في الدور.واحد أظرف منه عاش في الدور اللي فوقه
—————————————–
58- مره واحد فتح التلاجه شاف الجيلي بيرتعش قال له متخافش حشرب ميه
مرة واحد ظريف عاش في الدور.واحد أظرف منه عاش في الدور اللي فوقه
—————————————–
59- مرة صعيدى راح يكشف على ابنة الدكتور
غاب نصف ساعة و رجع قال لة البقية فى حياتك رجع الولد لابوة لآلآلآ يا با ه انا
ممتش
قال له اتنيل على عينك هتفهم احسن من الدكتور
—————————————–
60- مرة واحد عداه العيب خد اللي بعده.
—————————————–
61- مرة واحد دماغه لفت قابلها من الشارع التاني.
—————————————–
62- واحد اتجوز واحدة اسمها نعمة باسها وش و ضهر.
—————————————–
63- مدير مدرسة عمل فرح وزع على المعازيم أرقام جلوس.
—————————————–
64- واحد شحات راح لواحد عجلاتي قال له أعطيني مما أعطاك الله، قال له
العجلاتي خد لك لفة.
—————————————–
65- مدرس جغرافيا جاب لمراته هدية سلسلة جبال. 31-12
—————————————–
66- واحد بلدياتنا نزل محطة مصر لقى بتاع الأنابيب بيخبط عليها، قال له
افتحلي واحدة ساقعة لو سمحت.
—————————————–
67- مرة اتنين مساطيل قاعدين بيحششوا قدام نشرة الأخبار في التليفزيون
فنشرة الأخبار طولت، راح الأول قال للثاني: هيه ليه نشرة الأخبار طولت النهاردة
كدة؟ رد عليه الثاني و قال: معلش أصل شكلها كدة النهاردة آخر حلقة.
اتنين بلدياتنا فكروا يلعبوا شطرنج … الملك ضرب نفسه بالنار.
—————————————–
68- مرة سواق تاكسي قابل واحد مسطول قال له تاخد كام و توديني فين؟؟
السواق رد عليه و قاله: هات اللي تجيبه و انزل هنا. 12-2-2005
—————————————–
69- مرة واحد توأم شاف أخوه قال له: انت فين من الصبح يخرب شكلك أمي
خلتني أستحمى مرتين.
—————————————–
70- مرة سواق تاكسي داس بنزين موته. 3-1-2004
—————————————–
71- مرة سواق تاكسي داس فرامل فعصه.
72- واحد بلدياتنا عاوز يفسح عروسته في شهر العسل، فسحها في منحل.
—————————————–
73-مرة واحد تعب من المشى طلع يجرى
—————————————–
74- تلاتة بيحششوا حصل كبسة عليهم اتنين هربوا والتالت استخبى في البوكس
—————————————–
75-واحد بلديتنا راح امريكا لقى كل الشباب لابسين تشيرت مكتوب علية سفن
اب كوكاكولا – بيبسي
راح كتب على الجلابية عصير قصب
—————————————–
76-دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده
—————————————–
77- في المدرسه استاذ الحساب بيسال التلميذ بتاعه: لو باباك استلف الف جنيه
من البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا
—————————————–
78- واحد مسطول بيسأل واحد مسطول ثاني: اسم دولة أوروبية لو حطيت على
أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة حتصير قطز
التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟ 17-1–26-2-2005

—————————————–
79- مرة واحد متجوز عنده دولاب قافلة 20 سنة والمفتاح معاه هوه بس,
مراته هتجنن وفي يوم راح الشغل ونسي المفتاح.
مراته فتحت الدولاب لقت 20 الف جنيه وبيضتين.
لما رجع سالته ايه حكاية البيضتين قالها بصراحه كنت كل ماخونك أحط بيض في
الدولاب الست قالت عشرين سنه جواز ومرتين بس مش مهم وسالته طب
والعشرين الف جنيه
قالها كنت كل ماجمع كرتونه ابيعها
—————————————–
80- واحد سنانه كلها طايرة ما عدا الانياب… قدم علي وظيفة عينوه خرامة
—————————————–
81- مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة
—————————————–
82- مرة 5 دخلوا كلية الهندسة اثنين طلعوا مهندسين وثلاثة مدينة نصر
—————————————–
83- زوجه خوافه قوى كل يوم وهيه نايمة جنب جوزها تقولهاالحق يا عبده أنا سامعه صوت فى حرامى فى البيت جوزها تعب قوى مش عارف ينام وكل يوم على كده
قام قلها ياستى ماتخافيش الحرامى لما بيروح يسرق ما بيعملش صوت تانى يوم
صحته من النوم الحق يا عبده أنا مش سامعه صوت فى حرامى فى البيت
—————————————–
84- مرة واحد عجلاتى قعد على قهوة طلب كاوتشينو
—————————————–
85- كمسري أبوة مات ماشى في الجنازة يقول يا حضرات الجنازة فاضية آدام
—————————————–
86- واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ….راح قعد مكانها
—————————————–
87- مرة واحدة ست ماشية في جنازة جوزها عمالة تنوح عليه اتنين كانوا ماشيين في الجنازة واحد بيقول للتاني تراهني إن الستات دول ما يصدقوا ازواجهم تموت و ينسوهم قالوا ازاي ام راح ماشي وراها و عمال يقول اه يا حلو يا مسمسم لو الواحد يعرف عنوانك بس ما كانش يسيبك راحت الست ماشية في الجنازة تنوح و تقول اه يا جوزي يا اللي كنت مستتني و مجوزني في شقة برحة في 3 شارع
النسيان الدور الثالث شقة 5 اه يا جوزززززززززززززززززي
—————————————–
88- في واحد دلوع اوي, دخلوه اهله الجيش , سأله القائد : تعمل ايه لو قابلت العدو
… قال : ارمي السلاح في وشه و اقولوا اكرهك اكرهك اكرهك
—————————————–
89- تلاته عمالين بيحششوا فى مزرعه فراخ طب عليهم البوليس استخبوا فى تلات شوله جه الظابط شاط الشوال الاول برجله قام الحشاش الاول عمل نفسه بط و قعد يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش
—————————————–
90- واحدة فافى راحت لمصنع من مصانع تعبئة الالبان وشافتهم وهم بيحلبوا البقر
فسالتهم طب والبقر الفاضي بتعملوا فيه ايه.
—————————————–
91- مرة واحد نزل محطة الرمل رجله غرزت
—————————————–
92- شرطي مرور خلف واد بيتكلم بالاشارة
—————————————–
مرة واحد راح الجهاديه طلع من الجهة التانيه
—————————————–
93- مره واحد تاجر كتاكيت ماشي بالعربيه وفيها كتاكيت وقفته لجنه تموين وقال له المفتش: الكتاكيت دي بتأكلهم ايه؟ رد عليه وقال له : درة يا بيه….. فقال له المفتش انتو ما بتفهموش حاجة الكتاكيت دي بتاكل علف…….. وراح عمله غرامة 1000 جنيه…. راح مشي التاجر بالعربيه وهو في الطريق وقفته لجنه تموين تاني وقال له المفتش انت بتأكل الكتاكيت دي ايه قال له بأكلهم علف يا بيه فقال له المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه
—————————————–
94- واحد دخل مجمع استهلاكى وسأل عن الفراخ فساله الموظف عايز فراخ صاحيه ولاّ مدبوحه؟؟ قال مدبوحه ، قال له اطلع الدور الثانى…….طلع وسأل عن الفراخ المدبوحه فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث ….. وقابل موظف اخر وسأله عن الفراخ المدبوحة ومقطعه
فقال له عايزها متكيسة ولاّ لأ ؟؟ قال له متكيسة فقال له اطلع الدور الرابع …..
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام
—————————————–
95- واحد راح الصيدلية وقال للدكتور : عايز لبن اطفال ….. الدكتور: اسمه ايه !؟
,,,,,, الراجل : اسمه اشرف
—————————————–
96- بخــيل وقع فى حفرة ، فتجمع عليه الناس علشان يساعدوه … المهم انه في الآخر ما كانش راضي يطلع ، فجاهم واحد و سألهم ايه اللى بيحصل ؟ قالوله احنا
قاعدين نقوله هات ايدك هات يدك وهو رافض، قال بسيطه ، راح عند البخيل وقال
له خذ ايدي …………….فطلع البخيل
—————————————–
97- كل يوم النمر ينزل في الأرنب ضرب و يقول له إنت ودانك طويلة ليه. اشتكى الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر، و إذا جاب لك جزر أحمر إضربه و
قول له أنا عاوز جزر أصفر. فقال النمر للأرنب أنا عاوز جزر، فقال له الأرنب،
عاوز الجزر أصفر و لا أحمر.النمر نزل في الأرنب ضرب و قال له إنت ودانك
طويلة ليه
—————————————–
98- فرختين مشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة
—————————————–
99- مرة واحد حب… كلته الفراخ
—————————————–
100- مرة اتنين ماشيين ف الصحرا… طلع عليهم اسد… راح واحد منهم رمي عليه
طوبة وطلع يجرىىىىىى… وبص وراه لقي صاحبه واقف ما بيجريش… قال
له مش بتجري ليه؟ قال له واجري ليه؟ هو انا اللي ضربته؟؟؟؟؟

**ALMOOFTY** · 21-01-11, 04:11 PM

رد: فكــــاهـــات

عراك بين الشيخ حسن شحاته وأبى هريرة

[video]

إعـــــــلان

فكــــاهـــات

فكــــاهـــات

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

من قاموا بقراءة الموضوع

معلومات المنتدى

من يتصفحون هذا الموضوع