تويت
-3.jpg
عزيزي الحصان
صباح القوة والنشاط والصحة
صباح الحيوية يا سيد الحمير ..
اديني ودنك ومن غير زعل .. عشان عندي كلمتين مهمين...
مفكرتش في يوم ليه العربجي حطلك الجلده الغريبة اللي جنب عينك دي؟؟؟
طبعاً ما تعرفش مانت يا مسكين ح..صان
أقول ك انا ...
دي يا بغل اتحطتلك عشان ما تشوفش اللي جاي لا من يمينك ولا يسارك!!! عاوزين يحكموك أكتر ،، يتحكموا حتى في عينيك تشوف إيه وما تشوفش إيه!!!! تفتكر هما خايفين عليك ولا خايفين منك؟؟؟
مانت يا مسكين ح...صان
عاوزينك تمشي بعيونهم، بنظريتهم، بخطتهم، في سكتهم
العربجي لو غلط وحلت المصيبة يشيلك الليلة،،، والناس تشاور عليك انت ويقولوا غلطان البغل .. عملها البغل!!! ويطبطبوا على العربجي ويدعوله ان ربنا يخلف عليه فيك!!!!
طيب أقول على حاجة تاني؟؟؟
عارف الحديدة اللي معدية بين فكيك وفوق لسانك دي لزمتها إيه؟ ولا مأخدتش بالك منها؟ تكونش اتعودت عليها وحبيتها يا منيل؟؟
طبعاً... مانت من كتر مشيك مع الحمير بقيت زيهم واسخم كمان
خلاص ... انا مش قادر أقول عليك حصان
انت حماااااار... وأقل من أي حمار كمان
شوف يا حمار العربجي
دول حطولك الحديدة دي عشان لو في لحظة تجلي شغلت مخك وقررت مرة تمشي يمين ولا شمال بمزاجك بهواك بمخك، يقوم بقى ولي نعمتك اللي بيعلفك ليل ونهار.. يقوم شادد لجامك ويلجمك ويجبرك تمشي على مزاجه هو.. في السكة اللي عاوزها هو.. مش مهم ان كان قدامك نقرة ولا صخرة.. مجاري طافحة ولا مزلقان معرقب .. مش مهم انت مع انك الأقوى.. مش مهم انت مع انك اللي في المقدمة،، مع انك صابر وساكت ...
لكن اقولك على سر أخير ...
العربجي بتاعك لئيم لؤم الأباليس
محبش يسد ودانك!!! مأخدتش بالك؟ معرفتش ليه؟ ... عشان يفضل يشتم فيك في الرايحة والجاية
تمشي على مهلك تتشتم،،
تسرع بزيادة تتشتم،،
تريح رجولك تتشتم،،
لو جعت تتشتم،،
الحمل تقيل عليك؟؟ برضه ها تتشتم وتنجلد كمان وان كان عاجبك
من الآخر كده انت مش مهم،،،
انت ولا حاجة مع انك كل حاجة!!! لكن يا خسارة وألف خسارة مضحوك عليك وبمزاجك كمان
تقع ... مش مهم
تنكب على بوزك.... مش مهم
تنقلب على ضهرك... برضه مش مهم
تنكسر حوافرك ومفاصلك ... صدقني برضه مش مهم
تموت.... يلقحوا جتتك لكلاب السكك تنهش فيك ويجيبوا جحش بدالك
فوق من كبوتك يالحصان الأصيل الغالي
مش منقولة
- إذا كانت هذه هي زيارتك الأولى لمنتديات انجيلي, فالرجاء مراجعة الأسئلة المتكررة بالضغط على الرابط.
ضيفنا الكريم يجب عليك التسجيل أولًاً قبل ان تتمكن من وضع مشاركاتك بالمنتدى، ولعمل ذلك اضغط على كلمة التسجيل الموجودة بالأعلى للمتابعة.
ماهو الاعتراض رفاهية مش من حقه
والتمرد مش ح يجيب نتيجة الا مزيد من الالم
لأنه ببساطة ح صان
والبغل : لأنه نتاج حصان وحمار ولا يستطيع أن يخلف والعربجي يقول أستهلكه بتمنه مادام مابيخلفش
والحمار : لأنه ضعيف الجسم وبرضه يحمله العربجي مالا يطاق
وعلي فكرة العربجية مش عارفين ان الحمار أذكي الكل ويمكن أذكي من العربجي نفسه لأنه لو تركت الحمار يعرف يرجع بيته أما العربجي ممكن يغلط ويدخل خمارة بدل داره