خلافاتنا وأطفالنا

[haidy hanna]

مشاركة: خلافاتنا وأطفالنا

انا بقا نفسى طويل
واكتر حاجة احبها النقاش
واتمنى نوصل لحل

ماشي يا عادل لما نشوف اخرتها ...

على فكرة انت بتفكرني بجون ابني ... لما ندخل في حوار مع بعض يعمل زيك كده عشان نفسه طويل .. لحد ما نفسي ينقطع وأقوله خلاااااااااااص اعمل اللي انت عايزه أنت حر .. بس ما تيجيش تقولي الحقيني يا ماما .

لان السلوك العملى مش مهم طول ما الأنطباع السيئ مازال عند الفتاة
ولا يمكن هيغير شئ

عشان كده كنت بسئل على مشاركة الفتاة بشكل سليم ....... وانت رفضتى

اريد حلآ

عندى اعتراض ممكن ...... عشان خاطرى
مسألة الجلوس بين الزوجين لن تفيد البنت بشئ
لكن هتحط اساس التفاهم بين الزوجين
ومسألة انهم يجيبوا البنت ويقولولها احنا خلاص اتفهمنا
واحنا بنحب بعض
هتقلل اكتر من احترام الأبوين عند البنت لانها
اولآ هتحس انهم صغيرين وان اى حاجة ممكن تزعلهم من بعض
ثانيا هتحس انهم بيضحكوا عليها

يعني تقريباً فهمت انت عايز توصل لإيه .. عايز توصل ان مشاعر الأبنه بعدم الإحترام لازم يتغير بطريقة عمليه ..

شوف يا عادل البنت مش لازم تقعد في أول مرة يحصل فيها عتاب بين الأم والأب :no2: :no2: :no2: :no2: ... لأنه فعلاً الحوار مش ح يعجبها .. مهما كان قصد الأم والأب انهم عايزين يعالجوا الأمر لازم يحصل جرح من أحد الطرفين للآخر واعتقد ان الجرح ح يكون من الأم بسبب صفة في الأب ترفضها ... فلازم في البداية يكون الحوار بين الطرفين فقط ... وتسمع الأم وجهة نظر الأب ....

المشكلة هنا وعدم إتفاق الرأي بسبب إن البنت لازم تتعلم بطريقة عملية احترام الوالدين ...
من الضروري في نقاش الأم والأب انهم يتكلموا عن موضوع عدم احترام الأبنه لهما .. وكيفية حله ...
وحله يكون ...
يتفقوا مع بعض (بعد حل المشكلة بينهما) انهم يتناقشوا سوياً امام الأبنه في الأمر .. وح يكون الحوار امام الابنه حيث تعاتب الأم الأب بسبب انه حذر جداً في المصروف .. وان هذا الأمر يضايقها ... وعلى الأب انه يدافع عن هذا الأمر مش يقولها فهلاً انا كده!! لأن الدافع ح يوضح ليه سلوك الأب كان بهذا الشكل أكيبد هو برضه عنده وجهة نظر
وبعد مايدافع الأب عن وجهة نظره امام الأبنه وزوجته توضح الأم انه وبالرغم من وجهة نظره ولكن من المهم ان يعرف ان هذا الأمر يضايقها وانها تحتاج ان يتفهم احتياجاتها واحتياجات البيت ويعطيها حرية التصرف في المصاريف لأن هذا الأمر اصبح يخنقها ... ثم تعطي فرصة لأبنتها ان تعبر عما يضايقها من والدها في هذا الأمر ( طبعاً الأم ستتكلم بدون عصبية ويكون الحوار محترم) واعتقد ان هذا الأمر سينتقل للأبنه وستواصل الحوار بهذه الطريقة ... وسيكتمل الحوار لمحاولة علاج الأمر عند الأبنه ...
مش عارفة إذا كنت وصلنا لحل ولا أنت عندك رأي آخر ...
بس حقيقي لو عندك رأي مختلف من المهم ان نسمعه .. وممكن كمان توضح لينا إزاي يكون الحوار ناجح بين الثلاثه...
يعني كابن عايز يكون الحوار إزاي في شيء مثل هذا الأمر

[عادل فادى]

مشاركة: خلافاتنا وأطفالنا

يعني تقريباً فهمت انت عايز توصل لإيه .. عايز توصل ان مشاعر الأبنه بعدم الإحترام لازم يتغير بطريقة عمليه

يارب اشكرك
اد ايه انت بتحبنى
وصلت كلامى لمس هايدى
وخلتها ماتزعلش منى وبالها يبقا طويل على
يارب خليها توافق على اللى هاقوله حتى لو كان غلط

شوف يا عادل البنت مش لازم تقعد في أول مرة يحصل فيها عتاب بين الأم والأب

يتفقوا مع بعض (بعد حل المشكلة بينهما) انهم يتناقشوا سوياً امام الأبنه في الأمر

انا اصلآ رافض انها تقعد خالص
وهو ده اللى بقول فيه من الصبح
القاعدة مش هتفيدها ............. راعى السن
وموضوع الأتفاق بينهم ده هيتكشف بعد وقت بسيط .......... صدقينى
الولاد فى السن ده حساسين جدآ فى المواضيع الأجتماعية وخصوصا البنات

ثم تعطي فرصة لأبنتها ان تعبر عما يضايقها من والدها في هذا الأمر ( طبعاً الأم ستتكلم بدون عصبية ويكون الحوار محترم) واعتقد ان هذا الأمر سينتقل للأبنه وستواصل الحوار بهذه الطريقة ... وسيكتمل الحوار لمحاولة علاج الأمر عند الأبنه

معترض وبشدة
الأول كنت معترض على ان البنت تقعد اثناء كلام الأبوين قبل الأتفاق او بعد الأتفاق
دلوقتى انا معترض بشدة على مشاركة البنت بالشكل ده
من وجهة نظرى ........ ده مش هيساعدها ابدآ ولا هينسيها
ولما اتكلمت فى مشاركة البنت ما كنتش اقصد كده ابدآ

يعني كابن عايز يكون الحوار إزاي في شيء مثل هذا الأمر

النجاح مرتبط بالهدف
والهدف ان البنت يتشال من عندها الأنطباع السيئ ويتبدل بمشاعر احترام
والقاعدة دى لا يمكن تعمل كده ابدآ .......... من وجهة نظرى
بالعكس هتفضل البنت فاكرة المشكلة من بدايتها لحد نهايتها وبما فى ذلك الأنطباع السيئ
عشان كده اى حوار ثلاثى غير ناجح

بس حقيقي لو عندك رأي مختلف من المهم ان نسمعه

امرى لله
مع انى حاسس انى فى امتحان من الأمتحانات اللى ما نجحتش فيها
لكن اهى فرصة الواحد يحاول هنا بدل الجامعة

اولآ المشكلة من وجهة نظرى هى التأثير السلبى اللى تركه الخلاف من البداية عند البنت
وده مهم اننا نحدد المشكلة عشان نوصل للحل
الحل مرتبط بالأم والأب بشكل مباشر زى ما المشكلة كانت مرتبطة بيهم

هو ان الزوجين يقعدوا مع بعض عشان ينهوا الخلاف اللى ما بينهم او يتفقوا على الطريقة المثلى اللى تعيشهم فى سلام
وده هيكون حل للمشكلة المالية لكن مش حل للمشكلة الأساسية بالنسبة لى عشان كده هى مجرد خطوة

الخطوة التانية هى محاولة تحويل الجو العام

مافيش مانع ابدآ من خروجة يصرف فيها الأب فلوس كفاية
مافيش مانع ابدآ من عزومة شخص محبوب بالنسبة للبنت
ما فيش مانع ابدآ من ان الأب يدخل البيت وف ايده كيس فاكهة

اى حاجة تعم صدمة عند البنت وتخليها تلاحظ ان الجو العام اختلف وان طباع الأب والأم اختلفت
وده هيعمل حاجة من الأتنين
1- البنت هتفتح الموضوع مع الأم عشان تفهم ايه اللى حصل بالظبط ............اتمنى
2- هيمهد الطريق للأم عشان تتكلم مع البنت وتغير اللى جواها

وبعد كده تيجى الخطوة الأخيرة
والخطوة الأخيرة جزئين
1- الأم تفهم البنت انها بتحب ابوها جدآ وان كلامها عن الأب كا ما يصحش لأنه كل الناس بتغلط لكن الناس اللى بتحب بعض بيعتبوا بعض من غير ما حد تانى يعرف ( وكده البنت هتعرف انها برة الموضوع ) الخطوة دى من غير الأب

2- الأب يتكلم مع البنت عن الفلوس واد ايه هو بيتعب فيها لكن عشان بيحب امها وبيحبها عنده استعداد انه يضحي بكل التعب
ومافيش مانع من انه يديها فلوس (الخطوة دى من غير الأم )
وياريت لو يتفق معها على عمل مشترك بينهم بالفلوس ( شراء كمبيوتر مثلا او محمول والأب يساهم بالجزء الأكبر )

هو ده رأى كاملآ فى الموضوع
واهم حاجة عندى البنت
البنت فى السن ده بيكون عندها قلق كفاية ومحتاجة لجو أمن ومليان محبة
على العموم انا صليت فى بداية المداخلة
ومش خايف من حاجة
بس اهم حاجة انى اعيش لحد ما اتجوز
يمكن اغير رأى

او اروح برنامج
اريد حلآ


تحياتى

[haidy hanna]

مشاركة: خلافاتنا وأطفالنا

السلام والنعمة ...

وموضوع الأتفاق بينهم ده هيتكشف بعد وقت بسيط .......... صدقينى
الولاد فى السن ده حساسين جدآ فى المواضيع الأجتماعية وخصوصا البنات

ده لو كان اتفاق شكلي ...
ما تنساش يا عادل انهم فعلاً اتفقوا على حل المشكلة ... وح ينفذوا كل اللي قالوا ..

دلوقتى انا معترض بشدة على مشاركة البنت بالشكل ده
من وجهة نظرى ........ ده مش هيساعدها ابدآ ولا هينسيها
ولما اتكلمت فى مشاركة البنت ما كنتش اقصد كده ابدآ

البنت لازم تقول اللي جواها بدون خوف وبصراحة ... لأن فيه عدم احترام منها لأبوها وأمها ... فلازم يكون فيه سؤال مباشر ... مع عتاب بسيط يعني يكون الطريقة كده ..
احنا ملاحظين ان أسلوبك في التعامل معنا مش كويس وشاعرين ان فيه شيء مضايقك .. نحب نعرف إيه هو الشيء ده .. لأننا طبعاً مش ح نقبل منك المعاملة دي .. وفي نفس الوقت مش ح نحب نكون بنجبرك على أسلوب معين في التعامل لأنك كبرتي ... ده غير اننا واثقين ان فيه شيء مضايقك ونحب نعرفه عشان نعالج الأمر ...

من المهم يا عادل ان البنت تتكلم بكل شيء جواها .. احسن ما يفضل الكلام في قلبها ومش بتعبر عنه ده ح يكون ليه رد فعل أصعب ..

والهدف ان البنت يتشال من عندها الأنطباع السيئ ويتبدل بمشاعر احترام
والقاعدة دى لا يمكن تعمل كده ابدآ .......... من وجهة نظرى
بالعكس هتفضل البنت فاكرة المشكلة من بدايتها لحد نهايتها وبما فى ذلك الأنطباع السيئ
عشان كده اى حوار ثلاثى غير ناجح

انا مختلفة تماماً مع هذا الرأي ...
الكلام ده لو البنت طفلة لكن ما تنساش ان البنت في سن مراهقة .. القاعدة دي اللي بعد قاعدة حل المشكلة بين الأب والأم ح يكون ليها تأثير إيجابي جداً لأن البنت ح تشعر انهم مهتمين بيها وبمشاعرها وطبعاً هي عايزة حكمة في إدراة القاعدة ... ودي مسؤلية الأم

البنت هتفتح الموضوع مع الأم عشان تفهم ايه اللى حصل بالظبط ............اتمنى

كلامك مهم جداً لكن شفت في النهاية قلت إيه ؟
اتمنى ....
يعني مهم إن البنت تعرف إن الموضوع اتحل وإن فيه محاولات تغيير ...
وعلى فكرة القاعدة بينهم ح تعلم البنت إزاي تناقش بأسلوب متحضر وإزاي تعبر عن رأيها وضيقها بإحترام ...

البنت فى السن ده بيكون عندها قلق كفاية ومحتاجة لجو أمن ومليان محبة

ح تحس بيهم قوي من خلال القاعدة ... المهم القاعدة تكون صح ... ولما يخلصوا كل الكلام ياخدها الأب في حضنه ويوضح ليها مدى حبه لها .

ومش خايف من حاجة
بس اهم حاجة انى اعيش لحد ما اتجوز

:no2: :no2:
ما أوعدكش يا عادل ... عشان كده من المهم جداً انك تلجأ للجوء الرأي الحر وتطلب حماية